கோழிப் பண்ணைகள் அமைக்க விவசாயிகளுக்கு அழைப்பு

அரியலூர் மாவட்டத்தில் கறிக்கோழிப் பண்ணைகள் அமைக்க விருப்பமுள்ளவர்கள் விண்ணப்பிக்கலாம் என்றார் ஆட்சியர் ஏ. சரவணவேல் ராஜ்.

இதுகுறித்து அவர் வெளியிட்ட செய்திக் குறிப்பு: அரியலூர் மாவட்டத்தில் 5,000 கறிக்கோழி பண்ணைகள் 50% அரசு மானியத்தில் அமைக்க திட்டமிடப்பட்டுள்ளது. இத்திட்டத்தின் கீழ் விவசாயிகள், தனிநபர் தொழில் முனைவோர், சுய உதவிக்குழுக்கள் ஆகியோர் பயன்பெறலாம். கடந்த 2012-13 ஆம் ஆண்டு 50 நபர்களுக்கு கோழி வளர்க்க ரூ. 1.03 கோடி மதிப்பிலும், 2013- 14 ஆம் ஆண்டு 25 நபர்களுக்கு ரூ. 51 லட்சம் மதிப்பிலும், 2014-15 ஆம் ஆண்டு 50 பேருக்கு ரூ. 80 லட்சம் மதிப்பிலும் கடனுதவி வழங்கப்பட்டுள்ளது. இந்த கோழி வளர்ப்பை மேம்படுத்திட 50% மானியத்தில் கோழிகளுக்கான தீவனம் மற்றும் மருந்துகள் வழங்கப்படுகின்றன.

குறைந்த பட்சம் 5,000 கோழிக் குஞ்சுகளுக்கு, கோழிக்கு ஒரு சதுர அடி வீதம் 5,000 சதுர அடி பண்ணை கொட்டகை அமைக்க சதுர அடிக்கு ரூ. 200 வீதம் உத்தேச செலவீனம் ரூ. 10 லட்சமும், உபகரணங்களுக்கு ரூ. 75 ஆயிரமும் என ரூ. 10.75 லட்சம் மதிப்பீட்டுத் தொகையில் 25%அரசு மானியம் வழங்கப்படுகிறது. மீதமுள்ள தொகை வங்கி கடனுதவியாக வழங்கப்படும்.

மேலும் விவரங்களுக்கு, அரியலூர் உதவி இயக்குநர்(94439 54958) உடையார் பாளையம் உதவி இயக்குநர்(94450 01207) ஆகியோரைத் தொடர்பு கொள்ளுமாறு தெரிவிக்கப்பட்டுள்ளது.

Read More

"மழை வெள்ள பாதிப்பு குறித்து பொதுமக்கள் தகவல் தெரிவிக்கலாம்'

"மழை வெள்ள பாதிப்பு குறித்து பொதுமக்கள் தகவல் தெரிவிக்கலாம்'

அரியலூர் மாவட்டத்தில் மழை வெள்ளதால் பாதிப்பு ஏற்பட்டால் பொதுமக்கள் தகவல் தெரிவிக்கலாம் என்றார் மாவட்ட ஆட்சியர் ஏ. சரவணவேல்ராஜ். இதுகுறித்து அவர் வெளியிட்ட செய்திக் குறிப்பு:

அரியலூர் மாவட்டத்தில் வடகிழக்குப் பருவமழை காரணமாக மழை வெள்ளத்தால் பாதிப்பு ஏற்படும்போது, உடனடியாக மீட்பு மற்றும் நிவாரணப் பணிகளை மேற்கொள்ள மாவட்ட நிர்வாகம் சார்பில் முன்னெச்சரிக்கை நடவடிக்கைகள் மேற்கொள்ளப்பட்டுள்ளது. அதன்படி, பொதுமக்கள் தொடர்பு கொள்ளவும், தகவல் தெரிவிக்கவும் மாவட்ட ஆட்சியர் அலுவலகத்தில் 24 மணிநேரமும் கட்டுப்பாட்டு அறை இயங்கி வருகிறது.

மேலும், அரியலூர் சார் ஆட்சியர் அலுவலகம், உடையார்பாளையம் கோட்டாட்சியர் அலுவலகம், அரியலூர், செந்துறை மற்றும் ஜயங்கொண்டம் வட்டாட்சியர் அலுவலகங்களில் தொடர்பு கொண்டு தகவல் தெரிவிக்கலாம்.

மாவட்ட ஆட்சியர் அலுவலகக் கட்டுப்பாட்டு அறை எண்- 1077, அலுவலக எண்- 04329-228151, சார் ஆட்சியர் அலுவலகம் 04329-245352, 9445000459, வருவாய் கோட்டாட்சியர் அலுவலகம், உடையார்பாளையம் 04331-245352, 9445000460, வட்டாட்சியர் அலுவலகம், அரியலூர் 04329-222062, 9445000613, வட்டாட்சியர் அலுவலகம், செந்துறை 04329-242320, 9445000615, வட்டாட்சியர் அலுவலகம், ஜயங்கொண்டம் 04331-250220, 9445000614 ஆகிய எண்களில் தொடர்பு கொண்டு தகவல் தெரிவிக்கலாம். மேலும், மழை வெள்ளம் காரணமாக எந்நேரமும் மீட்பு மற்றும் நிவாரணப் பணிகளை மேற்கொள்ள கிராம நிர்வாக அலுவலர்கள், வருவாய் ஆய்வாளர்கள் தங்களது கிராமங்களிலும், தலைமையிடத்திலும் இருந்து கவனிக்க அறிவுறுத்தப்பட்டுள்ளது. அரியலூர், ஜயங்கொண்டம், செந்துறை ஆகிய வட்டாட்சியர்களும், காவல் துறையினரும் தொடர் ரோந்துப் பணி மேற்கொள்வார்கள்.

தீயணைப்பு அலுவலர்கள் 24 மணி நேரமும் தயார் நிலையில் வைக்கப்பட்டுள்ளனர். அரியலூர் அரசு மருத்துவமனையிலும், ஆரம்ப சுகாதார நிலையங்களிலும் சுழற்சி முறையில் மருத்துவர்களும், அலுவலர்களும் பணிபுரிய அறிவுறுத்தப்பட்டுள்ளனர்.

Read More

மகாத்மா காந்தி தேசிய ஊரக வேலை உறுதியளிப்புத் திட்டம் - ஆலந்துறையார் கட்டளை பஞ்சாயத் விபரம்

மகாத்மா காந்தி தேசிய ஊரக வேலை உறுதியளிப்புத் திட்டத்தின் கீழ் 2015-2016 க்கு நமது பஞ்சாயத்தில் அனுமதி வழங்கப்பட்டு பணிகள் நடந்துகொண்டு இருக்கும் திட்டங்கள் பற்றிய விபரங்கள்.

S. No	Work code	Work Name	Work Status	Estimated Labour cost(In Lakhs)
1	2931003001/LD/29692	Formation of Pannaikuttai Alanduraiyarkattalai Ramu Murugaiyan	On Going	0.96
2	2931003001/OP/60117	construction of Green House in Sellakkannu / Paramasivam Alanthuraiyarkattalai Pt	On Going	0.16
3	2931003001/OP/60119	construction of Green House in Selvi / Natarajan Alanthuraiyarkattalai Pt	On Going	0.16
4	2931003001/OP/60121	construction of Green House in Kolanjiyammal / Ganesan Alanthuraiyarkattalai Pt	On Going	0.16
5	2931003001/OP/60123	construction of Green House in Ramachandiran / Subramaniyan Alanthuraiyarkattalai Pt	On Going	0.16
6	2931003001/OP/60126	construction of Green House in Muruganantham / Thirumal Alanthuraiyarkattalai Pt	On Going	0.16
7	2931003001/OP/60128	construction of Green House in Sambantham / Maruthamuthu Alanthuraiyarkattalai Pt	On Going	0.16
8	2931003001/WH/2904153002	Deepening of Alanduraiyarkattalai Melakangiyanur Karuban Kulam	On Going	11.00
9	2931003001/WH/2904164656	Deepening of Alanduraiyarkattalai Keelakangiyanur Nallthanneer kulam	On Going	15.00
10	2931003001/WH/2904164658	Deepening of Alanduraiyarkattalai Valaikuzhi Nallthaneer kulam	On Going	10.00
11	2931003001/WH/2904165693	Deepening of Alanduraiyarkattalai Panakur Eri	On Going	20.00
12	2931003001/WH/2904168716	Deepening of Alanduraiyarkattalai siruthodankanni Kulam	On Going	10.00
13	2931003012/WH/2904147801	Deepening of Alanduraiyarkattalai Panakur Eri	On Going	20.00

Link:

http://164.100.129.4/netnrega/Citizen_Html/total_work_approved_details.aspx?lflag=local&District_code=2931&finyear=2015-2016&state_name=%E0%AE%A4%E0%AE%AE%E0%AE%BF%E0%AE%B4%E0%AF%8D%E0%AE%A8%E0%AE%BE%E0%AE%9F%E0%AF%81&district_name=ARIYALUR&page=d

Read More

தமிழக அரசின் சாதனை விளக்க புகைப்பட கண்காட்சி

தமிழக அரசின் சாதனை விளக்க புகைப்பட கண்காட்சி

 

அரியலூர் மாவட்டம் திருமானூர் பஸ் நிலையத்தில் செய்தி மக்கள் தொடர்பு அலுவலகம் சார்பில் புகைப்படக் கண்காட்சி நடந்தது. இந்த கண்காட்சியில் தமிழக அரசின் திட்டங்கள், சாதனைகள் பற்றிய பல்வேறு புகைப்படங்கள் இடம் பெற்றிருந்தன. இந்த புகைப்பட கண்காட்சியை அப்பகுதியை சேர்ந்த பொதுமக்கள் ஆர்வத்துடன் பார்வையிட்டனர். இந்த கண்காட்சிக்கான ஏற்பாடுகளை செய்தி மக்கள் தொடர்பு அலுவலர் செந்தில் செய்திருந்தார்.

Read More

வி.கைகாட்டியில் இடியுடன் மழை

மழையின் காரணமாக சிமெண்ட் ஆலைகளுக்கு சுண்ணாம்புகல் ஏற்றி செல்லும் லாரிகளில் இருந்து சிந்திய சுண்ணாம்புகல் கல் கூழ்மமாக காணப்படுகிறது இதனால் இருசக்கர வாகன ஓட்டிகள் கடும் சிரமத்திற்க்கு உள்ளாகின்றனர்

இடம் ;- அரியலூர் - வி. கைகாட்டி சாலை

Thanks to : செல்வேந்திரன் பெ  & https://www.facebook.com/sasistudio90

 

Read More

திருமானூர் அருகே ஊராட்சி மன்ற முன்னாள் தலைவரின் வீட்டில் நகை –பணம் கொள்ளை

திருமானூர் அருகே ஊராட்சி மன்ற முன்னாள் தலைவரின் வீட்டில் நகை –பணம் கொள்ளை

 

அரியலூர் மாவட்டம் திருமானூர் அருகே உள்ள விழுப்பனங்குறிச்சி பகுதியை சேர்ந்தவர் ராமானுஜம். விழுப்பனங்குறிச்சி ஊராட்சி மன்றத்தின் முன்னாள் தலைவர். இவரது மகள் வனிதா. இவர் தஞ்சாவூர் யூனியன் அலுவலகத்தில் வேலை பார்த்து வருகிறார். இவருக்கு திருமணம் நிச்சயிக்கப்பட்டு கார்த்திகை மாதம் திருமணம் நடைபெற உள்ளது.

 

மகள் திருமணத்திற்கான நகை –பணத்தை ஏற்பாடு செய்த ராமானுஜம் அதனை பீரோவில் வைத்திருந்தார். இந்நிலையில் நேற்றிரவு அவர் வீட்டை பூட்டி விட்டு மனைவி, மகளுடன் தூங்கினார். இன்று காலை எழுந்து பார்த்த போது பின்பக்க கதவு திறந்து கிடந்தது. மேலும் பீரோவும் உடைக்கப்பட்டிருந்தது. அதனை பார்த்த போது அதில் திருமணத்திற்காக வைக்கப்பட்டிருந்த 16½ பவுன் நகை மற்றும் ரூ.1ž லட்சம் பணம் கொள்ளை போயிருந்தது. அவற்றின் மதிப்பு ரூ.5 லட்சம் இருக்கும்.

 

இது குறித்து திருமானூர் போலீசில் புகார் செய்யப்பட்டது. போலீசார் சம்பவ இடத்திற்கு சென்று விசாரணை நடத்தினர். நேற்றிரவு ராமானுஜம் குடும்பத்தினருடன் தூங்கி கொண்டிருக்கும் போது மர்மநபர்கள் உள்ளே புகுந்து தங்கள் கைவரிசையை காட்டியுள்ளது தெரியவந்தது. சம்பவ இடத்தில் கைரேகை நிபுணர்கள் மூலம் சோதனை நடத்தப்பட்டது.

 

கொள்ளையில் ஈடுபட்ட மர்மநபர்கள் யாரென்று விசாரணை நடத்தி அவர்களை போலீசார் தேடி வருகின்றனர். இந்த சம்பவம் அப்பகுதியில் பரபரப்பை ஏற்படுத்தியுள்ளது.

 

Nandri :

http://www.maalaimalar.com/2015/10/17163608/local-council-ex-leader-house.html

 

Read More